Ирис е македонска локална телевизија од Штип, од колажен тип, со временски рамномерно избалансирани содржини од сите жанрови. Основана е од г. Миле Кокотов и г. Владимир Милановиќ. За прв пат почна да емитува програма во 1994 година и од тогаш е составен дел на македонскиот етер. Во состав на телевизијата работи и продукција, каде се произведува околу 60% од програмата која се емитува. Преостанатите временски појаси се покриени со реемитувана документарна, играна, сериска и забавно-рекреативна програма, со потекло од Македонија и ЕУ.